О, свята́я уго́днице Бо́жия, преподобному́ченице Евдоки́е! По́двигом до́брым подвиза́вшися на земли́, восприя́ла еси́ на Небесе́х вене́ц пра́вды, его́же угото́вал е́сть Госпо́дь все́м лю́бящим Его́. Те́мже взира́юще на святы́й тво́й о́браз, ра́дуемся о пресла́внем сконча́нии жи́тельства твоего́ и чте́м святу́ю па́мять твою́. Ты́ же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти на́м вся́кое прегреше́ние и по́мощи на́м ста́ти проти́ву ко́знем диа́вольским, да изба́вльшеся от скорбе́й, боле́зней, бе́д и напа́стей и вся́каго зла́, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.
Перевод: О святая угодница Божия, преподобномученица Евдокия! Ты подвизалась на земле хорошим подвигом, приняла на Небе венец правды, который уготовал Господь всем любящим Его. Также смотря на святой твой образ, радуемся о преславном окончании твоей жизни и чтим святую твою память. Ты, предстоя Престолу Божию, прими наши молитвы и к Всемилостивому Богу принеси, чтобы простил нам все прегрешения и дал нам помощь противостоять против козней дьявольских, да избавившись от скорбей, болезней, бед и напастей и всего зла, благочестно и праведно поживём в этом веке и сподобимся предстательством твоим, даже если мы и недостойны, видеть благая на земле живых, славя Единого во святых Своих славимого Бога, Отца и Сына и Святого Духа, ныне и во веки веков. Аминь.